XX. mendeko Euskararen Corpus estatistikoa

Testuingurua

(...) taldeka bizi zirela adierazten du.

Australopithecus afarensis delakoak gutxi gorabehera duela 2.800.000 urte ezkutatu ziren.

AUSTRALOPITHECUS-EN EBOLUZIO-ZUHAITZA

Australopithecusen kateako bigarren maila africanus deitutakoa da.

Ez dakigu aferensisaren ondorengoa ala ahaide zen.

Dena den, hortxe dugu Hegoafrikan baino ez dagoen hominido hau, lehengoetatik hiru mila kilometro baino urrutiago.

Gainera bere hondakinak haitzuloetan baino ez dira topatu.

Ez dakigu hori taldearen ezaugarria zen ala korronteek eramanda africanus guzti haiek zona hartan ugari diren fosa karstikoetan pilatu ziren.

Australopiteko honen hortzeria aztertuta, zuntz-landareak (murtxikatzen fruta baino zailagoak dira) eta inoiz harrapakin txiki batzuk ere jaten zituela ondorioztatu da.

Agian harrapakariek utzitako sarraskitik gorpuen haragia ere jango zuen.

Fosildutako hortzeriak aztertuta, gizaki-tximino haien batezbesteko bizitza hogeita bi urtekoa zela kalkulatu da.

Bizimodu latza zutela eta Afrikako sabanan bizirik irauteko zailtasun ikaragarriak zeudela adierazten du horrek.

Africanus espeziekoak afarensis espeziekoak baino adimentsuagoak ote ziren?

Garezurraren tamainari begiratuz, ezin daiteke horrelakorik esan, nahiz eta garun-bolumena zertxobait handiagoa izan (450-500 cm3-koa).

Dena den, ale batzuek (Taung-en aurkitutako garezur famatuak, adibidez) bolumen handiagoa zuten (Taung-en aurkitu zen lehen aldiz 1924.ean Afrikako hominidoen lehen aztarna, (...).